Hello，大家好，我係詩敏 係ARC呢到都做左就快2年嘅義工
其實本身都好想去幫助一啲被遺棄或者流浪嘅動物，而我都去過香港唔同有關動物嘅機構，覺得ARC呢度好乾淨又舒適。
喺呢度我學識左好多好多唔同嘅嘢，例如照顧狗狗啦幫佢哋沖涼同埋一啲基本嘅簡單寵物美容
另外仲學識觀察佢哋嘅一舉一動 發現佢哋身體有咩問題 因為狗狗本身唔識得講嘢要透過我哋人類細心入微嘅觀察先可以知道佢哋發生左啲咩情況
係呢到經歷過接收過一啲被主人遺棄，有病或者身體上有缺陷嘅嘅狗仔 ，而我地一班義工一直喺到幫忙照顧佢哋直到搵到主人，有時候見到自己曾經照顧好耐嘅狗仔終於有一個幸福嘅家庭其實自己都好感動好感觸
因為覺得自己一啲好細微嘅力量都可以幫到佢哋，令呢個世界更加多嘅愛。
希望大家係養動物之前一定要三思而行唔好因為一時嘅貪念或者一時嘅沖動而去購買動物，因為你可能覺得佢只係你生命中嘅一小部份，隨時可以有或者冇，但你卻是佢哋生命中嘅一切。
在此希望各位以領養代替購買，同埋多啲上黎做義工幫助被遺棄或者流浪嘅動物，因為我地細小努力，積沙成塔總有一日會令到更多動物擁有愛擁有一個幸福嘅家庭